زغرطي يا تفيده .. زغرطي يا بت

Niccolo machiavelli (1469-1527)

اخيرا اتضح لي ان انا حمار ولا بفهم حاجه في السياسه و لا غيرها

و عرفت اخيرا ان الأخوان المسلمين مش حزب ديني زي ما كنت فاهم تخيل؟؟

و كمان طلع انهم مش عايزيين دوله دينيه

الاكتر من كده كمان ان ما فيش في الاسلام حاجه اسمها دوله دينيه

و ده كان موجود بس عند المسيحيين والشيعه في القرون الوسطى

و حركه كفايه حركه بذيئه لانها طولت لسانها على الريس و ابنه

اه و الله

..و قبل ما تشتم و تلعن

مالوش لزوم

لان ده مش كلامي و الله

و المشكله انه مش كلام اي حد

ده كلام الاستاذ مهدي عاكف مرشد الاخوان بجلاله قدره

في حوار مع جريده الشرق الاوسط

-1

ماذا عن الدولة الدينية؟
ـ لا يوجد في الإسلام ما يسمى بالدول الدينية لكي نطالب بها. ولكن الدول الدينية توجد فقط في العصور الوسطى المسيحية فقط، ولدى الشيعة، ونحن نريد دولة مدنية.

-2

الرئيس مبارك قال إنه لن يسمح بقيام حزب ديني، وأنتم تصرون على الحزب؟
ـ نحن لا نطالب بحزب ديني، ولكن حزب مدني له مرجعية إسلامية.

-3

* هل تقصد أن منصب المرشد العام أفضل من منصب رئيس الجمهورية؟
ـ ليس أفضل، ولكن مسؤوليته أكبر من مسؤوليات رئيس الجمهورية، فأنا أعين على صلاح هذا البلد. كما أن تنظيم الاخوان عالمي ودولي، وأنا خادم للدين الإسلامي والأمة، ولا شأن لي بالرئاسة، الاخوان لن ترشح اخوانياً الآن أو حتى بالقانون الجديد.

-4

ما هي علاقة الإخوان بـ«كفاية»؟
ـ مصر في مرحلة احتقان سياسي. وأنا أشجع أي حركة تعمل من أجل إجراء الإصلاحات السياسية، ولكن أنا في حسابات خاصة بالجماعة وأعترض على شعارات «كفاية» ضد الرئيس مبارك وابنه، وفي «كفاية» كان لسانهم طويلاً وأنا اعترضت اعتراضاً شديداً فلا يجب أن نسب رمز الدولة مهما اختلفنا معه فلا بد أن أحترمه كرمز وليس كفرد، ولا يجوز بأي حال من الأحوال أن نهينه وهم جاءوا إلى مقر

الإرشاد ووعدوني بوضع نهاية لهذا الأمر

==================

الظاهر ان الاخوان وجدوا الميكيافيليه مش نافعه ... فاخترعوا السوبر ميكيافيليه و هي رمي المبادىء في البحر .. لحد ما تعدي العاصفه بعدين الغوص و استخراجها مره تانيه..

انا كاتب البوست ده عشان يفضل كده شهاده للتاريخ ..

ممكن نرجعله كمان سنتين و لا حاجه..

و نشوف ازاي كان الاخوان المسلمين مش عايزين يعملوا دوله اسلاميه

بس الظروف اضطرتهم

و دلوقتي بقى ما فيش غير اننا نستنى

:و اخيرا اقول

زغرتي يا تفيده

الاخوان المسلمين

بقوا علمانيين

اااااااااه يا زمن

الحوار كاملا هنا

ملحوظه: خد بالك من تعليقات الناس على المقال في الجريده حاجه تزعل

:تحديث

لاحظتم الفقره بتاعت ان مهام مرشد الاخوان اكبر من مسؤليات رئيس الجمهوريه لانه يقوم باصلاح البلد؟؟؟

هذه هي بالتحديد مشكله الفكر الاخواني.. يرى نفسه موكلا من قبل الله لحفظ اخلاق الامه و اقامه دولته فيها..

هم من يبنون الشارع بنيه اخلاقيه تناسبهم .. و يملؤوون ادمغتهم ان الاسلام هو الحل و ان اي قائل بغير هذا كافر و خارج عن الطريق

دائما اقول ان الاخوان هم طائفة حشاشين اسماعيليه جديده

صحيح ان ما فيش قلعه موت و لا صبٌَاح

ولا تذبيح و قتل كالحشاشين

لحد دلوقتي ع الاقل

لكن هذه الاسماعيليه لم تقبل حذاء اي سلطان او خليفه من اجل ان تحل محله

و تلك الاسماعيليه كانت تستغل العنف وتبتعد عن الناس

و اذا كان ارهاب حشاشي الاسماعيليه دمويا فان ارهاب الاخوان فكري

هؤلاء اعلنوا بوضوح انهم يريدون التغيير بالقوه

:الاخوان غيروا شعارهم من القران دستورنا و النبي قائدنا الى

دستور يا اسيادنا و ميكيافيللي قائدنا

حتى اشعار اخر

حاجه تقرف