لوكنت اسكندراني...حاتحبه
أحِبُ ترام الرمل في اسكندريه حبا لا يوصف
فهذا المارد الحديدي المتمايل شهد كثيرا من ايام حياتي
كنت استقله يوميا من و الى المدرسه لمده ثلاث سنوات كامله
وتوطدت علاقتنا به انا و اصدقائي
فطورنا نوعا جديدا من النزهات يعتمد على ركوب طابقه العلوي
من اول الخط في النصر الى آخره في محطه الرمل و العوده
لا تستغرب
فليس الترام عندنا مجرد وسيله مواصلات
بالعكس .. ترام الرمل لا يصلح كوسيله مواصلات البته
انه رحله استجماميه جميله
تخترق الاسكندريه من اقصاها الى اقصاها
و ان لم يخل في نهاراته من ضوضاء اطفال المدارس و الموظفين
و رغم انه كما يقال عنه: ركوبة الفقرا
فانني احببته
و احببت ركابه
و حفظت محطاته و خطوطه
و اكتشفت انني في النهايه
احفظ معالم بلدتي
و جغرافيتها
و هويتها
و ترامها
:هذه بعض صور معشوقي الجميل
محطه ترام سبورتنج
التذكره
الترام قديما
المحطات و الخطوط
خط السير
محطه الرمل 1998
محطه الرمل 1923
محطه فلمنج 1904
posted by 4thH @ ٤/٣٠/٢٠٠٥ ٠٤:٠٩:٠٠ م
9 Comments:
لو لم أكُن أحبّه لجماله ولذاذته وكونه جزءاً من الأسكندريّة الجميلة (رغم أنّ ركوبه يحتاج منّي ألا أكون على أيّ نوع من التعجُّل)، لأحببته لما قُلتُه فيه.
الشعر تطوّر في عصر الشبكة، ولم يعد مقصوراً على القوافي والأوزان.
ـ
شعر؟؟
هههههه ربنا يجبر بخاطرك يا استاذ رامي
عامة انا كان في دماغي انه نثر و بس..
عامه ما دام عجبك فانا سعيد جدا
و مبسوط بزيارتك لصفحتى المتواضعه
تحياتي ليك
على فكره : الف شكر تاني على تعليمي التشكيل
تَحِيَّاتي
أزال أحد مشرفي المدونة هذا التعليق.
هقولك ايه غير انى عمرى ما حسدت حد على حاجة، قد ما حسد اصحابى السكندرية على انهم من اسكندرية.. برملها و هواها و ناسها.. و ضحكتها اللى تسمعها من أول موجة تلمس رجليك
ياااااااااااه... فكرتنى بالذى مضى
اسكندرية.. حبى الحقيقى..
هل زرت هذا الموقع من قبل؟ سوف تعجبك صور الإسكندرية.
ـ
3ala fekra.. it was puplished for u in el dostoor papers this week..
keep up the good work
العزيز ميلاد شكرا لمرورك
على فكره انا ضيف قديم على اطروحاتك الدستوريه
ميرسي جدا على الصور الاكثر من رائعه ..
الحقيقه اجمل شيء في هذه الصور انك تعقد مقارنه بينها و بين الواقع ..
يعني مثلا محطه الرمل اللي بعبرها الاف المرات شكلها كان ازاي من 100 سنه مثلا..
الشارع اللي انا عايش فيه المنطقه المعالم البيوت ..
فعلا حاجه جميله
لست ادرى ..
وانت كمان .. اتنشرلك لوووووول و انتي كمان
keep in good word
بس يعني مش لازم تزوريني الا لما يطلع عنواني في الجرنان؟؟؟
فين العشره و العيش و الخيام؟؟؟
شكرا لمرورك
بالمناسبه يا ميلاد .. بلوجك عين مصريه غايه في الجمال...
حبيت بس اسجل اعجابي
أشكرك يا جار القمر على الإطراء :) ـ
إرسال تعليق
<< Home